పాలవరం తండాలో రోడ్ల పక్కన పిచ్చి మొక్కల తొలగింపు

అనంతగిరి, అక్టోబర్ 18 (ఆర్యాద్వి): మండల పరిధిలోని పాలవరం తండా గ్రామపంచాయతీ పరిధిలో రహదారులకు ఇరువైపులా ఏపుగా పెరిగిన పిచ్చి చెట్లు, ముళ్ల పొదల తొలగింపు పనులు చేపట్టారు.

గ్రామ సర్పంచ్ భూక్యా నారాయణ ఆధ్వర్యంలో ఈ పనులు చేపట్టారు. రోడ్లపై రాకపోకలకు అడ్డంకిగా ఉన్న పిచ్చి మొక్కల వల్ల వాహనదారులకు, పాదచారులకు ప్రమాదాలు జరిగే అవకాశం ఉందని గుర్తించి ఈ చర్య తీసుకున్నట్లు ఆయన తెలిపారు.

ఈ సందర్భంగా సర్పంచ్ భూక్యా నారాయణ మాట్లాడుతూ "రోడ్లకు ఇరువైపులా పిచ్చి చెట్లు, కంపలు ఏపుగా పెరిగి రహదారిని కప్పేస్తున్నాయి. దీంతో రాత్రి వేళల్లో వాహనదారులకు దృష్టి అంతరాయం కలుగుతోంది. ప్రజల భద్రతను దృష్టిలో ఉంచుకుని ఈ తొలగింపు పనులు చేపట్టాం" అని అన్నారు.

రోడ్ల వెంబడి పెరిగిన ముళ్లపొదల వల్ల ప్రజలకు, వాహనదారులకు తీవ్ర ఇబ్బందులు కలుగుతున్నాయని గ్రామస్తులు కూడా హర్షం వ్యక్తం చేస్తున్నారు. సర్పంచ్ తీసుకున్న ఈ చర్య పట్ల గ్రామస్తులు అభినందనలు తెలిపారు.*